زيدان كول · تركيب ميداني
الخطوات بالترتيب، بأسماء القوائم زي ما هي على شاشة الجهاز بالظبط. اتظبطت من الكتالوج الرسمي للجهاز ومن بروفة كاملة اتعملت على السيستم الحقيقي.
حاجات لو نسيتها هتقف عند العميل من غير ما تكمّل.
الجهاز بيبعت البصمات على السحابة، فمحتاج نت. لو مفيش نت في مكان الجهاز، فيه حل تاني بس محتاج تجهيز مني قبلها بيوم.
الجهاز بيشتغل بالسلك أو بالواي فاي. الواي فاي مفعّل من المصنع افتراضيًا.
zidan-cool.pages.dev/erp
هتحتاجه في نص الخطوات، فجرّب الدخول قبل ما تسيب المكتب.
لفتح القائمة اضغط M/OK. لو فيه أدمن مسجّل على الجهاز، هيطلب منك تتحقق بالبصمة أو الباسورد الأول.
ركّب الجهاز وشغّله، وبعدين اظبط الشبكة.
لو الشبكة فيها راوتر بيوزّع عناوين، خلّي DHCP شغّال وسيبه ياخد عنوان لوحده. لو عايز عنوان ثابت، اكتبه يدوي.
لو هتستخدم واي فاي بدل السلك: COMM. › Wireless Network، اختار الشبكة واكتب الباسورد.
اظبط التاريخ والوقت على توقيت القاهرة الصح، وخلّي 24-Hour Time شغّال.
ملحوظة من الكتالوج: لما بيترجّع الجهاز لضبط المصنع، الوقت والتاريخ مابيرجعوش زي ما كانوا، فلازم تتأكد منهم بنفسك.
الشاشة دي هتوريك: اسم الجهاز، السيريال، الـMAC، إصدار خوارزمية الوش والبصمة، المنصّة، وإصدار الـMCU. سجّل منها:
وبعدين ارجع خطوة واحدة وادخل:
وسجّل رقم إصدار الفيرموير.
ليه مش بنكتب "الموديل"؟ الفاميلي ده مافيهوش سطر اسمه Model خالص، لا في الكتالوج ولا على الشاشة. اسم الجهاز هو اللي بيتعتمد.
عايز تتأكد إن الشبكة شغالة؟ COMM. › Network Diagnosis واعمل اختبار.
لكل موظف:
البصمة بتتقرا أحسن بالسبابة أو الوسطى أو البنصر. ابعد عن الإبهام والخنصر، وحطّ الصباع مفرود على الحسّاس مش على طرفه.
سعة الجهاز: ٥٠٠ بصمة · ١٠٠ وش · ٥٠٬٠٠٠ حركة.
من الموبايل أو اللابتوب، وانت واقف جنب الجهاز.
اكتب اللي قريته في خطوة ٣: اسم الجهاز، السيريال، المنصّة، والفيرموير.
السيستم بيقارن السيريال اللي بتكتبه باللي مسجّل عنده، ولو مختلف بيرفض. ده مقصود، علشان محدش يأكّد جهاز غير اللي قدامه.
اكتب لكل موظف نفس الرقم اللي سجّلته على الجهاز في خطوة ٥.
دلوقتي فيه ٧ موظفين نشطين، واحد بس منهم مربوط. الباقي محتاج أرقام.
لو نسيت واحد؟ بصماته مش بتضيع. بتتحفظ في بصمات غير مطابقة جوه صفحة الأجهزة، وأول ما تربط الرقم بتترجع وتتحسب من الأول.
الزرار بيفضل مقفول لحد ما تخلص خطوة ٦. قبل التأكيد السيستم بيرفض التفعيل من الأساس.
اطلب من موظف مسجّل يبصم مرة واحدة، وبعدين افتح:
المفروض تلاقي البصمة خلال دقيقة، ومصدرها مكتوب جهاز. وكمان في كارت الجهاز هتلاقي آخر اتصال اتحدّث وعدد البصمات بقى ١.
أكتر ٤ حاجات ممكن تقابلك، والسبب الحقيقي لكل واحدة.
الجهاز لسه مااتصلش بالسيرفر أصلًا. راجع Cloud Server Setting حرف بحرف، خصوصًا إن HTTPS وEnable Domain Name الاتنين ON، وإن البورت 443. وبعدين اتأكد إن الشبكة نفسها فيها نت.
لسه ماأكّدتش الجهاز. ارجع لخطوة ٦. ده مش عطل — السيستم مش بيسمح بتفعيل جهاز محدش أكّده من شاشته.
رقم الموظف على الجهاز مش مربوط في السيستم. افتح بصمات غير مطابقة في صفحة الأجهزة، اربط الرقم بالموظف، والبصمات القديمة هتترجع لوحدها.
ساعة الجهاز. ارجع لخطوة ٢ واظبطها. الحركات اللي اتسجّلت بالوقت الغلط محتاجة تتصحّح من صفحة السجلات واحدة واحدة.
السيستم مابيصدقش زرار الحالة اللي على الجهاز، لأن وضع Punch State Mode ممكن يكون Off أو Fixed فيبعت نفس القيمة في كل بصمة، وساعتها الوردية كلها كانت هتتسجّل «دخول» من غير خروج. فأول بصمة في اليوم دخول، واللي بعدها خروج، وهكذا.
لو الموظف بصم مرتين في أقل من دقيقتين بنفس الاتجاه، التانية بتتعلّم مكررة وماتأثرش على الحساب. الجهاز نفسه عنده إعداد شبيه في System › Attendance › Duplicate Punch Period.
فيه طريقة تانية: برنامج صغير على كمبيوتر جوه المصنع بيقرا الجهاز على البورت 4370 ويبعت البصمات. محتاج مني تجهيز ومفتاح جهاز جديد، فكلّمني قبلها.